Йоанна Лабілска ■ ЛЕМКІВСКА СТОРІНКА ■ №10, 2016-03-06
Юш по раз восмий 18 січня одбил ся Щедрий вечер в Олаві. З ініціативи гуртка Обєднаня лемків і місцевой греко-католицкой парафйі Риздва Пресьвятой Богородици при єдним столі в рестаурацйі «Сонечко» спіткали ся визнавці всхідной релігйі.
Били серед нас і греко-католики, і православні, бо вшитки сьвяткуєме в тим самим часі і сьпіваме єдни коляди. Тогорічне спітканя било для нас виняткове, бо малисме велику чест гостити владику Володимира Ющака, котри по раз перши вспільні з нами переживал тото важне для нас сьвято. Як все, медже єдном а другом стравом, весело колядуєме.
В тим році малисме іщи велику приємніст оглядати виступ наши діти, котри пририхтували репертуар коляд і верши. В Олаві сут міцни підвалини до такого роду видарінь. Наши дідове і родиче долги роки свойом незломном поставом гідні пропагували лемківску культуру. Створило то підставу до таких ініціатив. Ми, молоди маме немале заданя, аби цю традицйю підтримати й континуовати. Пріоритетом тіж і для нас буде концентрувати ся на тим, што нас лучит, а не ділит. А лучит нас тото, што найважніше – віра в єдного Бога і вспільне коріня. ■
Текст написаний говіркою села Маластова
